Gschicht.
Wenn vier gueti Fründe zämme e Bierli dringge, entstöön die schrägschte Idee, und amigs gits nüt bessers, wie wenn die Idee umgsetzt wärde. So hett me sich in dere Bar, wo me sich z'Basel erscht noch em Ussgang drifft, über dr typischi Drunggebold luschtig gmacht und die gmeinsami WhatsApp-Gruppe noch eme ballermannfähige Spruch benennt. Us em Spruch entstoot e Abkürzig, us dr Abkürzig e Logo und us eme Witz e Vision. Mir sinn ebbe mee als nur gueti Fründe: Mir sinn DFG!
Dr Bezug zu däm Spruch, wo mir an däre Stell bewusst nit erwääne, isch scho lang verloore gange. "Eventverein DFG!" isch also e Eigename, wo für alles Mögliche kaa stoo. Aggduell finde mir, dass "Die fidelen Geniesser" am beschte zuedrifft, aber das kaa sich au schnäll wider ändere.
In Amsterdam sinn mir e erschts mol "offiziell" als DFG! uffdrätte. Unsere liebe Digge het sy Achtzähnte welle fyyre und uns e glaine Batze zur Verfiegig gstellt. Mir hänn dä Batze mee als guet inveschtiert und no bitzli öppis druffgleggt. So sinn mir im Novämber 2018 für 36 Stunde uff Amsterdam gflooge und hänn dört genau die Gschichte erläbt, wo me mit sine beschte Fründe wott erlääbe.
Nodüürligg sinn mir nit nur z'viert. Scho in Amsterdam isch em Digge sy Zwillingsbrueder drby gsi. Us unserem Umfäld hänn sich immer mee Lüt an unseri Reise aagschlosse und so sinn mir im 2018 z'acht ans Lollapalooza-Festival in Berlin gange - D'Legände besait, dass em Stücki si Crêpe immer no uf dr Wiese vom Olypiastadion liggt. Obwools s'aint oder ander Mol Lämpe gee het und s'Festival nit immer so toll gsi isch, wie mir uns das vorgschtellt hänn, sinn mir im 2019 grad nomol gange - dismol aber mit 14 Lüt. Wider ischs e super Zit gsi, aber die Dütsche schyyne nit drzuez'lerne. Noch ere epische U-Bahnfaart ins Apartment het uns das aber scho wider nümm interessiert.
D'Längi vo unsere Reise variiert extrem. Amigs fliege mer durch ganz Europa oder mache internationali Roadtrips, denne gits Usflüg mitem Zug durch die ganzi Schwiz und Wanderige uff die höggschte Gipfel. Und nit sälte faare mir mitem Drämmli in unseri gliebti Stadt - und gwüssi Lüt bis uf Rhodersdorf.
Mir fyyre also gärn. Mir reise au gärn. Mir dringge gärn und mir ässe gärn. Und mir liebe unseri Fründe - wirkligg alli zämme. Im 2020 hänn mir denn aber glitte und unseri Lieblingstätigkeite miesse yyschtelle. Lediglich im Summer hänn mir d Möglichkeit gha, e Bierpongturnier mit 32 Lüt und paar Zerquetschte z'veraastalte. Und das Fescht het yygschlaage wie'n'e Bombe. Also nit nur em Dare si Garte het drnooch so usgsee, es isch halt aifach digg gsi. Und es het uns zu mee motiviert - und denne isch wider Lockdown gsi. Aber mir löön uns nit unterkriege, im Gegedail: Sobald's wider möglich isch, wärde mir wider mitenand feschte, danze und lache bis in die friehe Morgestunde. Mir wärde Beschwärde vo Nochbere entgege nee und mitenand diskutiere, wenn sich nit immer alli einig sinn. Mir wärde mol aine z'viil dringge und mitenand durch Basel und ganz vyyl anderi Städt zieh. Mir wärde jung und dumm syy und mir wärde wider dört aaknüpfe, wo mir uffghört hänn!
Dr Bezug zu däm Spruch, wo mir an däre Stell bewusst nit erwääne, isch scho lang verloore gange. "Eventverein DFG!" isch also e Eigename, wo für alles Mögliche kaa stoo. Aggduell finde mir, dass "Die fidelen Geniesser" am beschte zuedrifft, aber das kaa sich au schnäll wider ändere.
In Amsterdam sinn mir e erschts mol "offiziell" als DFG! uffdrätte. Unsere liebe Digge het sy Achtzähnte welle fyyre und uns e glaine Batze zur Verfiegig gstellt. Mir hänn dä Batze mee als guet inveschtiert und no bitzli öppis druffgleggt. So sinn mir im Novämber 2018 für 36 Stunde uff Amsterdam gflooge und hänn dört genau die Gschichte erläbt, wo me mit sine beschte Fründe wott erlääbe.
Nodüürligg sinn mir nit nur z'viert. Scho in Amsterdam isch em Digge sy Zwillingsbrueder drby gsi. Us unserem Umfäld hänn sich immer mee Lüt an unseri Reise aagschlosse und so sinn mir im 2018 z'acht ans Lollapalooza-Festival in Berlin gange - D'Legände besait, dass em Stücki si Crêpe immer no uf dr Wiese vom Olypiastadion liggt. Obwools s'aint oder ander Mol Lämpe gee het und s'Festival nit immer so toll gsi isch, wie mir uns das vorgschtellt hänn, sinn mir im 2019 grad nomol gange - dismol aber mit 14 Lüt. Wider ischs e super Zit gsi, aber die Dütsche schyyne nit drzuez'lerne. Noch ere epische U-Bahnfaart ins Apartment het uns das aber scho wider nümm interessiert.
D'Längi vo unsere Reise variiert extrem. Amigs fliege mer durch ganz Europa oder mache internationali Roadtrips, denne gits Usflüg mitem Zug durch die ganzi Schwiz und Wanderige uff die höggschte Gipfel. Und nit sälte faare mir mitem Drämmli in unseri gliebti Stadt - und gwüssi Lüt bis uf Rhodersdorf.
Mir fyyre also gärn. Mir reise au gärn. Mir dringge gärn und mir ässe gärn. Und mir liebe unseri Fründe - wirkligg alli zämme. Im 2020 hänn mir denn aber glitte und unseri Lieblingstätigkeite miesse yyschtelle. Lediglich im Summer hänn mir d Möglichkeit gha, e Bierpongturnier mit 32 Lüt und paar Zerquetschte z'veraastalte. Und das Fescht het yygschlaage wie'n'e Bombe. Also nit nur em Dare si Garte het drnooch so usgsee, es isch halt aifach digg gsi. Und es het uns zu mee motiviert - und denne isch wider Lockdown gsi. Aber mir löön uns nit unterkriege, im Gegedail: Sobald's wider möglich isch, wärde mir wider mitenand feschte, danze und lache bis in die friehe Morgestunde. Mir wärde Beschwärde vo Nochbere entgege nee und mitenand diskutiere, wenn sich nit immer alli einig sinn. Mir wärde mol aine z'viil dringge und mitenand durch Basel und ganz vyyl anderi Städt zieh. Mir wärde jung und dumm syy und mir wärde wider dört aaknüpfe, wo mir uffghört hänn!